Фильм каспий итбалығының тарихы туралы әңгімеден басталады. Фильмнің «Аулау және зерттеулер» атты бірінші бөлімі Каспий теңізінің солтүстік бөлігінде итбалықты аулау жөнінде баяндайды.
Соңғы жүз жылдық ішінде каспий итбалығының саны шамамен 10 есеге қысқарды: ХХ ғасырдың басында оның саны шамамен 1 миллион дара болып есептелді, ал ХХІ ғасырдың басында 100 мыңға жуық ғана болды. Итбалықтарды аулау олардың санының қысқаруының негізгі себебі болды. Итбалық популяциясы жағдайының күрт нашарлауы 1997-2000 жылдар кезеңі ішінде итбалықтардың жаппай қырылуы нәтижесінде орын алды. 2008 жылы Халықаралық табиғатты қорау одағының Қызыл кітабында каспий итбалығына «Құрып кету қауіпі төнген» деген ең дабылды мәртебе берілді. Фильмді жасау кезінде әдеби көздер, мұрағаттық материалдар, Халықаралық итбалықты зерттеушілер топтарының және қазақстандық мамандардың зерттеу нәтижелері пайдаланылды. Зерттеулер нәтижесінде Каспий теңізінің қазақстандық бөлігінде итбалықтардың жатақ жерлерінде ерекше қорғалатын табиғи аумақтарды құру ұсынылады.