2025 жылы 4 тамызында BMC Zoology журналында Каспий теңізінде жойылып бара жатқан түрі – каспий итбалығының (Pusa caspica) қорегіндегі атеринаның (Atherina boyeri) өлшемдік құрамына арналған маңызды ғылыми мақала жарияланды.
Атерина – Каспий теңізінің бүкіл акваториясында кеңінен таралған эвригалинді пелагиялық балық және каспий итбалығының негізгі қорек түрінің бірі болып табылады. Зерттеу бойынша, каспий итбалығының рационына ұзындығы 23,1–117,1 мм аралығында балықтар кіреді. Солтүстік Каспий жатақтарында итбалықтар көбінесе ұзындығы 60–70 мм атеринамен қоректенсе, Орта Каспий жатақтарында – ұзындығы 80–90 мм балықпен тұтынады.
Бұл ғылыми жұмыс каспий итбалығының қоректік талғамын тереңірек түсінуде маңызды рөл атқарады. Алдағы уақытта каспий итбалығының рационына кіретін басқа да балық түрлеріне арналған зерттеулер жүргізу жоспарлануда. Мақаланың толық мәтінмен келесі сілтеме арқылы танысуға болады: https://rdcu.be/ezhZP.